APRENDER A COMER XOGANDO 

 

 Nos últimos anos houbo un aumento do interese pola alimentación saudable como un dos factores que poden mellorar a calidade de vida.

 E non é para menos.

 Segundo o último informe da European Heart Network, as enfermidades cardiovasculares causadas por factores dietéticos modificables son a primeira causa de morte en Europa. 

 Isto non lle afecta só aos adultos. 

Se nos centramos na infancia, a obesidade infantil é un dos problemas de saúde pública máis importantes do noso século: case o 40 % dos nenos españois de entre tres e oito anos sofren esta enfermidade.

 A educación alimentaria, na casa,  e na escola, creando espazos saudables son fundamentais para ofertalles aos nosos cativos unha vida máis sa e feliz no presente, e tamén no  futuro.

 

 

No seguintes enlaces podemos atopar xogos para iniciar aos cativos nunha alimentación saudable:

https://www.stoksdidactic.com/es/blog/juegos-para-trabajar-la-alimentacion-saludable

 

Xogos on line: 

https://spain.minilandeducational.com/school/juegos-online-alimentacion-saludable-ninos/

ALIMENTACIÓN SAUDABLE

 É aquela que proporciona a enerxía e os nutrientes necesarios, segundo a idade e o xénero, para promover un crecemento adecuado, e un correcto desenvolvemento físico e intelectual e que, á súa vez, contribúe a manter unha boa saúde.

 

QUE ALIMENTOS LLE DEBEMOS OFERTAR AOS CATIVOS?

 Verduras e froitas (de todo tipo e cor): son fonte principal de vitaminas (C e A, entre outras), de fibra e de minerais (potasio e magnesio, entre outros). 

 

Legumes , cereais preferentemente integrais (arroz, avena, cebada, millo, trigo), os seus derivados (fariñas e produtos elaborados con elas: fideos, pan, galletas, etc.) . 

Leite, iogur e queixo (preferentemente descremados): achegan proteínas de alto valor (completas) e son fonte principal de calcio e vitaminas A e D. 

Carnes (sen graxa visible) e ovos: achegan as mellores proteínas, e son fonte principal de ferro. Este grupo inclúe a todas as carnes comestibles (de animais, aves de crianza ou de caza e peixes e froitos de mar) e aos ovos de todas as aves. 

Aceites, froitas secas e sementes: son fonte principal de enerxía e de vitamina E. Os aceites crus, xunto coas froitas secas e as sementes, achegan graxas indispensables para a vida. 

Doces e graxas: dan enerxía e son agradables polo seu sabor, pero non ofrecen sustancias nutritivas indispensables. Considéranse alimentos de consumo opcional, non diario.

 PAUTAS PARA FOMENTAR UNHA ALIMENTACIÓN     SAUDABLE NOS CATIVOS 

Algunhas suxestións, a partir dos 2 anos, son as seguintes: 

-  A alimentación será  variada e equilibrada e incluirá diariamente todos os grupos de alimentos .

 - A nena, ou o  neno tomarán  auga segura ou potable a diario para estar ben hidratados.

 - Ofertarase  un menú amplo e variaremos  a cor, a forma, a consistencia e o sabor dos alimentos.

 - Gozar das  comidas preparadas na casa , e reducir as comidas fóra de casa. 

- Realizar 4 comidas ao día (almorzo, xantar, merenda e cea).

 - Organizar os horarios das comidas. 

 - Consumir un almorzo completo e adecuado todos os días,. Sabendo que deberá estar composto de lácteos, cereais e froitas.

 

- A cantidade de alimentos, ou comida que lle sirvamos aos cativos  depenerá do apetito que teñan , sen forzalos a comer. 

- Os  adultos da familia serán  un bo exemplo de hábitos alimentarios saudables. 

 - Permitir e fomentar que o neno acompañe a facer as compras, que elixa alimentos e cociñe cos adultos da familia (este último dependendo da idade do neno). 

- Tentar que as comidas se fagan en familia, xa que son un momento ideal para gozar, compartir e dialogar. 

 

- Evitar o televisor, o ordenador , a tablet e/ou o celular á hora para comer. 

- Non premiar nin castigar a conduta do neno con alimentos ou comidas. 

- Evitar os alimentos fritos. 

- Limitar o consumo de bebidas con azucre, e de alimentos con alto contido de graxas, azucres e sal (como manteiga, margarina, crema de leite,  hamburguesas, salchichas, chourizos, xeados, lambetadas, amasados de pastelaría, e patacas fritas). 

Se se consumen, elixir porcións pequenas e/ou individuais (cando sexa posible). 

 - Cociñar sen sal, limitar o agregado nas comidas e evitar o saleiro na mesa.

                             BO VERÁN   🍐🍉🍅

Rematamos outro curso agradecéndolles aos colaboradores, e ao persoal de cociña, a implicación, a ledicia, a responsabilidade  e a ilusión coas que desenvolveron as súas tarefas .🍇🍍

 

 

 

 Felicitamos aos nenos, e ás nenas por cada 🍊 un dos seus logros.👌

E desexamos que pasedes un verán moi saudable!!!

              ATA SEMPRE MARCOS

  Co fin de curso chegan as despedidas cargadiñas de nostalxia.

  No comedor, con moita tristeza, e tamén con moita satisfacción;  temos que despedir a un dos cativos que máis evolucionou. Cando Marcos chegou ao comedor non lle gustaban a maioría  dos  alimentos que formaban parte dos menús saudables, pero desde o primeiro día mostrou unha actitude marabillosa.

  Viña ao comedor moi ledo, e mantiña unha relación extraordinadria co persoal de cociña, e cos colaboradores. 

  O noso querido Marcos destacou pola amabilidade coa que se dirixía aos adultos e aos compañeiros, e polo seu doce sorriso. 

Cris, a compañeira que se ocupaba del este ano díxolle : "Vaia oh, agora que comes ben marchas", e como é habitual neste peque, respondeulle co seu mellor  sorriso.

Graciñas a Marcos por contaxiar ledicia no fogar de Saudín, e graciñas tamén aos compañeiros , e ás compañeiras que colaboraron para que Marcos mellorara moitísimo comendo, e coñecendo os alimentos saudables para coidar de "cardio".

 

 MOITA SORTE NO NOVO COLE PEQUE!!!

                   DA HORTA AO PRATO

As nosas cativas, e os nosos cativos, cultivan na horta do Albino verduras, que comerán no comedor; desta maneira intentamos gozar dunha alimentación moi saudable.

 

Con moito esforzo, e traballamos conseguimos uns ricos repolos, e unhas riquísimas leitugas e cebolas.