VISITA  DAS SÚAS MAXESTADES

        OS REIS MAGOS DE ORIENTE

 O xoves 22 de decembro foi un día especial no noso centro. Tivemos visitas moi agradables.

Viñeron desexarnos un bo Nadal ex alumnos/as do centro.

Foi un xesto moi agradable que lles agradecemos a Uxía, Adela, Xiana, Meli , Aitana, Adrián e Rudi.

Acompañando aos ex alumnos chegaron os Reis Magos para visitar o comedor escolar, falar e xantar cos  cativos,  e agradecerlles aos colaboradores e colaboradoras e ao equipo de cociña, o seu esforzo e implicación para que este servizo funcione ben.

Melchor, Gaspar e Baltasar aproveitaron  a ocasión para escoitar aos "peques",  atender as súas peticións...

                                 ... e repartir apertas agarimosas.

                               Rubén, Mateo  e Matías falaron moito co Rei Gaspar.

         Melchor escoitou con moito interese a Izan, ata semella que

         se  fixeron amiguiños.

                    Cal sería o segredo que lle estaba   contando Melchor a Xema? 

                          Por máis que lles preguntamos ningún nolo quixo dicir.

 

 As súas maxestades tiveron a oportunidade de comprobar o ben que se portan no comedor escolar Zoé, Martina, Brais e Kilian.

                       Gaspar, e o noso camelo especial quixeron facer unha foto

                       con Alex   e con  Caûe.

  Xabi estivo moi atento aos consellos que lle deu este  sabio de Oriente.

       E para consellos Melchor... que ata nós falou de menús saudables.

Samantha e Sebas aproveitaron  para pedir un agasallo para eles, e outro para os seus pais, Leonor e José Luis.

    Melchor quixo saber da evolución destes nenos no comedor, para elo  contou coa información que lle puido facilitar Verónica.

Mauro Yáñez e Brais decidiron firmar a paz diante de Verónica e dos Reis Magos.

  Polo que  esta vez podemos afirmar que  será unha paz moi duradeira.

Arale , Iris e Narel alá foron correndo para informar aos sabios dos seus logros ao longo do curso no comedor escolar. 

                            Seguro que Iris lles contou que xa come a leituga.

Elián e Adrián déronse unha aperta para lembrar os vellos tempos. Sobran as verbas vendo estas caras de felicidade  para explicar o que sentiron.

Non sabemos se Kilian  pedíu algún agasallo para Gabriel. O que si sabemos é que el  fíxolles un  agasallo marabilloso as súas maxestades, o  sorriso que namora aos que o coñecemos.

Alicia , Edurne, Thiago e Alba  seguro que reciben de mans dos sabios de Oriente todo o que desexan,  porque máis boíños non se pode ser.

Carliña dille a Melchor que Arón xa lle escribíu a carta, e Samantha acaba de lembrarse  que ela aínda non a rematou.

  Alejandro quería unha foto de familia, e viñeron Nico, Irene, Lucas, Cibrán, Mateo, Sheila e Leo.

Así de felices  estaban Cecilia e Yeray, será que se portaron moi ben ao longo de todo o ano e saben que terán unha boa recompensa.

 Sonia, Alejandro e Sofía simpatizaron rápidamente  co rei Gaspar. A el encantoulle falar con esta familia.

                                  No patio houbo que comezar a despedirse...

       e a Noor non lle gustou moito que  se tiveran que marchar.

     Melchor falou con Antón para darlle a noraboa porque sabe que é un neno moi responsable que sempre está pendente das súas irmáns Erea e Xulia.

                 Irene, Nicolás, Lucas Mateo, Cibrán e Alejandro contáronlles o ben que  traballaban na clase.

                     Que lle diría o Rei Baltasar a Olalla? Debeu darlle un bo susto!

Este foi o xesto tan cariñoso co que recibiron Candi e Manuel a Gaspar.

              Cibrán e Lucas mostráronse así de satisfeitos cos logros deste trimestre, e coa visita dos sabios de Oriente.

   Sara Paciencia, Luis e Mila axudaron a que o último día de comedor do ano 2022 fora moi agradable.

 Edgar, Ainara a Patricia estaban moi  ledos co camelo e cos Reis.

 E por máis que falaron houbo algunha dúbida que o gran Melchor non foi capaz de resolverlle  a Anxo.

Abraiado quedou Gaspar cando víu as bandexas de Eire e Alexandra! 

Mentrés pensaba no ben que comeran estas nenas apuntouno algo na súa axenda máxica.

                             E cun ata sempre puxémoslle fin á visita. 

                           Graciñas a todos os que a fixestes posible.  

Só queda desexarlles as súas maxestades  co canto de Reis de Neda 

unha boa viaxe cara Belén.

 

          BUSCAMOS XENTE CON MANDIL

   A base da educación na igualdade está na formación dunha actitude crítica desde a infancia. Non debemos infravalorar esta etapa, xa que dende o nacemento constitúese a identidade de xénero da persoa, establecendo a base dende a que se desenvolverá a personalidade do individuo e os seus valores.

   A  mellor forma de fomentar a igualdade é practicar co exemplo. De nada serve promover o rexeitamento á discriminación de xénero con actividades socio educativas puntuais  se no día a día non nós esforzamos en transmitilo,  cos nosos valores e coas nosas actitudes.          

   A realización de dinámicas coeducativas e de fomento da igualdade  non debe ser unha actividade puntual. Debe formar parte da rutina diaria.

   O comedor escolar é o escenario perfecto para practicar a igualdade, e fomentar a corresponsabilidade doméstica.

   Cooperar no comedor soe ser algo atractivo para os nenos e para as nenas,  por iso queremos animalos a que veñan co seu mandil dispostos a botar unha man en tarefas concretas:  repartir pan e auga, recoller as cestas dos garfos e das culleres, repartir panos e animar aos máis cativos a probar novos sabores.

   Participar é  ben sinxelo!  Escribe unha frase pola igualdade no teu mandil, ou fai un debuxo, e pono cando acabes de xantar para axudarnos.  Desta maneira demostrarás  o que podes facer ti   por unha educación integral,  ao marxe do fenómeno masculino ou feminino.        

                                MENUDA SORPRESA!

As nosas cativas ,e os nosos cativos quedaron impresionados ao entrar ao comedor e ver ás colaboradoras e aos colaboradores caracterizados desta maneira:

 

 

Pedro chegou a dubidar e non saber que sería mellor, entrar  ou non entrar hoxe ao comedor...

                                                           ECO -COMEDOR

 

 Este ano, dende o comedor escolar,  queremos participar no proxecto integral do centro : "LIXEIROS DE EQUIPAXE", creando hábitos saudables na familia e na comunidade educativa, e promovendo o uso sostible de recursos ao minimizar o impacto da alimentación no medio ambiental.

Estamos convencido de que a alimentación sostible é un paso máis  contra o cambio climático.

Para a elaboración dos menús teremos en conta o seguinte:

1. Canta maior variedade de alimentos exista na dieta, maior será a garantía de que a alimentación está sendo equilibrada, e de que contén os nutrientes necesarios.

2. As graxas non deben superar o 30% da inxesta diaria, debendo reducir o consumo de graxas saturadas e ácidos graxos trans.

3. Debese incrementar a inxesta diaria de froitas, verduras e hortalizas. Consumir, como mínimo, 5 racións diarias.

4. Suprimir, ou moderar, o consumo de alimentos ricos en azucre.

5. Reducir o consumo de sal, menos de 5 gr o día.

6. Comer menos carne vermella.

7. Aumentar o consumo de proteínas de orixe vexetal.

8 . Usar aceite de oliva.

9. Mercar alimentos  de proximidade.

10. Promocionar alimentos ecolóxicos, frescos e de temporada.

11. Non empregar alimentos conxelados.

As actividades do noso proxecto están centradas en 4 eixos<.

1. ALIMENTACIÓN SAUDABLE E SOSTIBLE:

Eco-comedor escolar no que empregaremos alimentos de proximidade, ecolóxicos, e de calidade.

2. PROPOSTAS PARA A INCORPORACIÓN DE HÁBITOS NA FAMILIA:

Intentaremos traballar en equipo con todos os membros da comunidade educativa, para educarmos nos mesmos hábitos sostibles e saudables.

3. DIFUSIÓN-PARTICIPACIÓN E COMUNICACIÓN:

Compartiremos, a través deste blog, artigos,  receitas, consellos...

MENÚ SAUDABLES E SOSTIBLES

ALIMENTACIÓN SOSTIBLE

 4. ACTIVIDADE FÍSICA :

Promovida a través de diferentes actividades e materias dende a nosa escola.

 

 

 

FUNCIÓNS DO COMEDOR ESCOLAR🍎

1. * Proporcionar unha alimentación de calidade, adaptada ás necesidades, e ás características dos usuarios. Isto inclúe consideracións culinarias e nutricionais, relativas ao aspecto e á presentación dos menús.🍆
2. * Coñecer e valorar as apetencias, e as aversións dos cativos aos diferentes alimentos, e intentar avanzar partindo da situación real de cada neno, e de cada nena.🍇
3.  * Destacar a presenza de alimentos de tempada, especialmente no que respecta a froitas e a hortalizas.🍌
4.  * Adaptar  as receitas ás diferentes épocas do ano.🍍
5. * O espazo debe aportar os elementos adecuados( mobiliario, iluminación, decoración, ruído, atención...) para que o tempo do xantar sexa moi agradable.😄😋
6. *  É necesario prestar moita atención ao personal colaborador  do comedor, que deberá contar cunha directrices claras nas que se indiquen cales son as súas funcións, e ofertarlle  recursos que lle permitirán desenvolvelas dun xeito óptimo.👌👏
7. * O comedor é un recurso didáctico adicional, e complementario do centro en materia de educación para a saúde, e de ensinanza en valores.👍👍
8. * Contribuír ao coñecemento da cultura e das variedades gastonómicas locais.🍗🍗
   
9. Facilitar a identificación da orixe de cada alimento que se presente nos menús, e cales foron as operacións e transformacións que sufríu ata chegar á mesa.🍒🍒
10. * Constituir unha ferramenta para desenvolver as habilidades individuais e sociais dos cativos.👏👏
    

 A BOA E A MALA ALIMENTACIÓN

 

Queremos compartir varios enlaces que nós poden  aportar información interesante sobre a necesidade de alimentar ben aos nosos cativos.

 

1. O QUE DEBEN E NON DEBEN COMER AS NENAS E OS NENOS

 

2. OBESIDADE INFANTIL

 

3.CONSELLOS PARA EVITAR O SOBREPESO INFANTIL

 

 

 

 

DATOS CURIOSOS SOBRE ALIMENTACIÓN

   Hoxe queremos compartir, coas nosas familias, algunhas curiosidades que nós axudarán a entender porque é bo comer determinados alimentos, e que poderán  concienciarnos da necesidade de introducir cambios nos nosos hábitos de alimentación.

1. Non debemos tirar  o líquido do iogur:

   Moitas persoas tiran o líquido do iogur, no comedor escolar explicámoslles aos nosos cativos que  e iso é un gran erro, xa que o seu achegue en proteínas é moi grande. De feito estamos  tirando  unha gran cantidade de auga, sales minerais, calcio e fósforo que lle poderían facer moito ben ao noso organismo.

 

2. O sushi debería ser o noso prato favorito:

   Consumir peixe cru  é unha opción moi saudable para o noso organismo xa que lle estamos achegando as vitaminas e propiedades que se perden ao cociñar o peixe.

3. As pebidas de sandía deben de comerse:

   Si, cómense e de feito son unha gran fonte de fibra, magnesio, zinc, proteínas vexetais, entre moitos máis beneficios. Polo que  no comedor sempre animamos aos nenos a probalas.

4. Os alimentos poden axudar a durmir:

   Existen alimentos que axudan a descansar. Algúns como os lácteos ou os cereais integrais, son ricos en triptófano polo que axudarán a potenciar a melatonina.

 

5. Comer a modo axuda a ser máis feliz:

   Ademais de axudar a facer mellor as dixestións, tamén axudará a combater a tensión, e por tanto a ter unha vida máis feliz. 

Este é un dos motivos polos que no comedor lle pedimos aos nenos que mastiguen con calma, e que coman a modiño.

 

6. O vermello é o mellor aliado antiidade:

   A cor avermellada das froitas e verduras débese ao licopeno, un poderoso antioxidante que  axuda a previr o envellecemento celular. 

 

 7. Os tomates é mellor  cociñalos:

   Aínda que a maioría dos alimentos perden as súas propiedades ao ser quentados ou cociñados, os expertos demostraron que ao quentar os tomates intensificamos o licopeno (un gran antioxidante) contido neles, polo que se converten nun alimento aínda máis saudable que se estivesen sen cociñar. 

 

8. Moitas veces confundimos a sede coa fame:

   Moitas persoas confunden estes  conceptos. De feito a sensación de sede adoita conducirnos a comer máis, por iso é importante tomar un vaso de auga antes das comidas para controlarnos e comer verdadeiramente o que necesitamos.