CALDO DE GLORIA
A Fundación Rosalía de Castro volveu poñer en marcha este ano o "Caldo de Gloria", unha iniciativa inspirada no poema "Miña casiña, meu lar" de Rosalía de Castro.
O noso centro quixo unirse, un ano máis, a esta proposta desenvolvendo varias actividades:
1. Nas aulas lemos, e recitamos, o poema rosaliano no que a poetisa deixa constancia das duras condicións de vida que tiñan que sufrir as mulleres daquela época.
2. Na horta prantamos verzas e descubrimos os seus beneficios, propiedades e valor nutricional.
3. E no comedor degustamos un rico caldo feito con fabas, unto, grelos, patacas, carne e un pouco de sal.
Decoramos o comedor, nomeamos "campións saudables" e "comendadores do caldo ".
 |
Con esta actividade quixemos rendirlle homenaxe a aquelas mulleres que nada tiñan e nada lles daban, e que por enriba da nada eran quen de saír adiante cantando e rezando para pasar a fame e para esquecer o frío.
