PEQUES MOI SAUDABLES

Rematamos o ano 2023 celebrando os obxectivos acadados no Fogar de Saudín, e agradecendo as visitas das familias que viñeron ao centro para compartir con nós os logros dos seus cativos.

Grazas aos nenos e ás nenas por estar sempre dispostos a mellorar, aos colaboradores pola paciencia e polo entusiasmo cos que entran cada día no comedor escolar, ao equipo de cociña pola súa cooperación e a todos  os membros da comunidade educativa pola súa valiosa axuda.

 

 UN XANTAR DE MEDO

Menuda sorpresa levaron os nosos cativos ao entrar ao comedor e ver ás colaboradoras, e aos colaboradores disfrazados! Grazas a eles o Samaín tamén se vivíu no comedor.

                      GRAZAS ALFONSO!

Mañá fará unha semana que tivemos que despedirnos de Alfonso, e algúns aínda non nós fixemos a idea de entrar no comedor do Albino e non atopar o sorriso do noso cociñeiro.

 

Con él vanse moitas horas de traballo, de dedicación, de ilusión, de esforzo e de gañas de facelo cada día aínda mellor.

Moitos cativos foron despedirse del, levándolle debuxos e apertas, e algúns, como Anxo, mostraban o seu enfado porque Alfonso tiña que deixarnos.

 Martín e Martina  quixeron entregarlle os debuxos que fixeran eles, e os seus compañeiros, para agradecerlle o ben que cociñara para nós nestes anos.

A pesar de que era  o último no Albino, Alfonso quixo iniciar o proxecto: "Os sabores do mundo",  e fixo unha riquísima crema de zapallo. Mágoa que non poida estar  para cociñar os exquisitos menús que el, e Alicia decidiran facer para achegarnos á cociña peruana.

 

 

 

 

 

 

Podemos resumir o paso de Alfonso polo comedor do Albino en dúas imaxes, unha cando chegaba tódolos días moi cedo  cargado de entusiasmo, e outra cando marchaba, cheíño de satisfacción polo ben que lle comeran os cativos.

 

 Nel todo era paixón polo seu traballo e orgullo polo ben que comían os nenos.

Sempre andaba a buscar melloras, intentando que os cativos, e as cativas  gozaran dun mundo de sabor que a el lle fascinaba.

Cando xa non quedaban cativos no comedor saía da cociña para revisar as bandexas, e desta maneira poder comprobar se o menú estivera ao gusto dos "peques ", ou se era preciso introducir cambios. 

 A súa implicación sempre foi impresionante, só comparable a súa inmensa paciencia. Unha, e a outra fixeron que formara un equipo impresionante coas nosas colaboradoras e cos nosos colaboradores do comedor escolar.

 

Graciñas Alfonso por facernos sentir os comensais máis importantes do mundo, graciñas por todo o ben que sementaches no noso centro, graciñas polo doado que foi traballar contigo , e graciñas por coidarnos tal e como o fixeches sempre.

 

       Como dixeron os nenos imos levarte no corazón, e ...oxalá volvas pronto!

 

                        PARABÉNS CAMPIÓNS SAUDABLES!!!

     Queremos darlles as grazas aos nenos, e ás nenas que cooperan cada día no comedor escolar.

    Para nós é un pracer convidar ás familias destes cativos ao centro, para comunicarlles que a boísima actitude dos seus fillos, e das súas fillas fai que nós sintamos moi orgullosos deles, e que todo funcione mellor.

 GRACIÑAS HUGO POLA TÚA AXUDA, E POLO TEU BOÍSIMO COMPORTAMENTO!


 

 

 

MIL GRAZAS SOFÍA polo teu marabilloso carácter, e pola maneira, tan doce e agradable, na que sempre te dirixes  aos membros do equipo do comedor.

 

 

                             A ECOPATRULLA DO ALBINO

Cando se trata de coidar o medio ambiente Paula, Alba, Nair, e Laura son incansables!

Elas crearon a ecopatrulla do Albino, pouco a pouco foi  aumentando a familia e agora teñen moito traballo.

Os membros da ecopatrulla son os encargados de:  recoller   pilas e tapóns nas aulas, comprobar que as luces do centro na hora do recreo están apagadas, recoller os restos de leituga na cociña e levarllos ás mascotas, coidar os gatos da escola, controlar os composteiros  e recoller o plástico na zona dos parrulos.

Paula é a encargada de recoller os tapóns no comedor.

Aquí podemos vela con "come plástico", a garrafa que reutilizou a profe Mónica para que podamos gardar os tapóns nela, antes de levalos a reciclar. 👌👌

 👏👏Alba, Nair e Laura comezaron esta aventura colocando recolledores de pilas e de tapóns nas clases.

                      E menudo resultado tivemos na primeira semana!!!

 Non se pode contar con mellor equipo!!! 

Se alguén o dubida que llo pregunte as nosas mascotas, que saen todos os días  buscando as súas coidadoras. 

 

 

O galo Marcelo xa as está buscando . Será para que lle dean de comer ?

 Ou tal vez sexa  será para dicirlles os mesmo ca lle temos que dicir nós...

 

GRACIÑAS  NAIR, LAURA, PAULA E CLARA POLO VOSO TRABALLO,E POLA VOSA RESPONSABILIDADE !!!!

                            A REPORTEIRA LAURA

Aquí a tendes todos os días disposta a axudar no comedor, e a averiguar que foi o que máis lles gustou aos seus compañeiros.

 

 

 Por iso a rematar de xantar colle o seu " micrófono das boas novas"  e vai averiguar que foi o máis divertido, ou agradable que lle pasou aos nosos comensais .

 

             A Martina o que máis lle gusta son as actividades que facemos no comedor.

                                              A Paula e a Yeray gústalles moito o menú.

                                          A Iris e a Sabela gústanlle as luras e os macarróns.

                                               CELEBRANDO  LOGROS

Rematamos o trimestre observando que  a maioría dos cativos, que acoden a diario ao comedor escolar, melloraron moito.

 

 Agora xa son capaces de probar todos os pratos do menú,  gozar comendo e  repetir aquelo que lles gusta máis. 

Tamén conseguimos controlar o ruído, e manter ao longo do xantar un ton de voz adecuado.

Neste intre podemos afirmar que manexan perfectamente as zonas de relax. 

Ao acabar de comer van a elas, cando se atopan inquedos ou agobiados para xogar, e para intentar relaxarse.

Estamos  moi orgullosos de todos os nenos, e nenas que ao longo do curso están dispostos a axudarnos para que o servizo do comedor sexa educativo.

 

 

Por todo isto celebramos cada día un "xantar de gala", co  que queremos darlles a noraboa e as grazas aos convidados, ao equipo de cociña,  e aos colaboradores e colaboradoras, por axudanos a acadar  os obxectivos do proxecto de comedor.

                       E dispostos para celebrar preparamos as mesas...

                   

                    ...e recibimos aos nosos " comensais de gala"  con moita ledicia.